På tur med Terje
Sist veke var Terje innom reisebyrået på Os for å tinge billettar til sumarferien. Han fortel til Leikestove at han tenkjer reise på scooterferie til Syden saman med Studvestredaktør Grimme Grundstad. Dei har tidlegare hatt stor lukke på liknande turar.
– Me tenkjer reisa til Kypros eller Ibiza, seier Terje.
– Ein må jo planleggje godt på førehand når det gjeld slike turar.
– Kvifor akkurat Kypros eller Ibiza?
– Det er jo liksom litt sånn FrP-ideal, då. Billeg alkohol, trivelege festar, låge skattar og avgifter, artige menneskje, billeg alkohol, og trivelege jenter, humrar Terje.
– Men ikkje for meg, sjølvsagt, eg er jo gift. Det er til Grimme eg tenkjer, legg han oppklarande til.
– Når trenkjer de draga?
– No jobbar me begge ganske mykje. Eg har jo ein heil kommune å driva, og det er jo val til hausten og altting. Grimme finn på vitsar, trur eg. Er ikkje sikker. Men det er sikkert mykje arbeide.
– Er det dyrt med ferie til Syden? Du nevnar billege jenter og triveleg alkohol, men elles?
– Ja, du veit, det er jo litt med flybillett og hotell. Men sidan det teknisk sett er ein studie-tur kan eg jo føra det på kommunen. Sånn sett er det greit å vera ordførar.
– Då kan me ikkje anna enn å ynskje lukke på reisa, og god tur.
Jau, takk for det, og elles god Jonsok.

Leikestove orsakar
Etter intervjuet med utdanningsminister Kristin Clemet to veker sidan, har me motteke nokre lite hyggjelege brev. Breva var ikkje signerte, men brevhovudet indikerer at breva kjem frå den sjølvsame ministeren sitt kontor. Me ber på det sterkaste om orsaking for at me insinuerte at kamferdrops er mindre gode enn Nero.

Leikestove hjelper deg
– Kjære Leikestoveredaksjon. Eg freista kjøpe toalettpapir, men det er så mykje å velje mellom. Skal eg velje etter pris, mjukskap, eller etter miljøvenleik? Kva tykkjer de?
Hei, Trengd Stakkar! Leikestova har tilgong på eit eige panel av toalettpapirekspertar. Panelleiar Dyre Siljegrov har fleire gongar uttala seg i andre medier om dette temaet. Etter å ha konferert med henne, kan me berre oppmoda deg om å gå for pris. Det er mykje drit i sjøen likevel, og du betaler like mykje uansett.

Tjuvradd 1
– Her ein dag eg var heilt åleine på lesesalen, gjekk eg på jentetoalettet i staden for på gutetoalettet, fortel Bjørn på telefon til Leikestove. Det var spanande og eg følte meg mest som ein tjuvradd. Båsane var mykje finare og dei hadde turkapapir ved vasken i staden for desse blåsemaksinene som stansar heile tida når ein freistar å turke seg. Det stod mange ting på veggen som eg ikkje forstod.

Strøm-Erichsen In Da House!
I lys av D-Strict Rap Foundation sin enorme suksess den siste tiden, har Byrådet i Bergen bestemt seg for å legge om sin mediaprofil. Heretter vil alle pressemeldinger kommei rap-format. Følgende er Byrådets kommentar til narkotikaproblemet på Nygårdshøyden. At dei dopar seg på Høyden er ikkje noko nytt. Men me i Byrådet rasar Og føler oss snytt Me har gitt dei heile parken Med rhododenron og fine tre Kva dei absolutt skal på dass Nei det skjønar ikkje me. Framhald i neste nummer.

Kvalitets-
reformen

Siste artikkel:
2. oktober 2002
Antall artikler: 20

Boligsituasjonen